Qendra POEC ka facilituar logjistikën e organizimit të një trajnimi që mblodhi së bashku mbi 20 biznese shqiptare dhe rajonale, të cilat prej vitesh operojnë në tregun vendas dhe më gjerë. Trajnimi me temë “Rritja e eksporteve në vendet e Ballkanit Perëndimor” u zhvillua në Tiranë dhe kishte për qëllim fuqizimin e ndërmarrjeve të vogla e të mesme përmes pajisjes së tyre me njohuri dhe praktika bashkëkohore për zgjerimin e pranisë së tyre në tregjet e rajonit.
Gjatë ditës së plotë të punës u ndanë informacione të rëndësishme mbi hartimin e strategjive të marketingut për eksport, identifikimin dhe analizimin e tregjeve të synuara, kërkesat ligjore dhe standardet e nevojshme për përputhshmëri me tregjet ndërkombëtare, si edhe përdorimin e kanaleve të ndryshme të marketingut dhe teknologjisë digjitale. Pjesëmarrësit patën mundësi të përfshiheshin në diskutime interaktive dhe raste studimore, duke shkëmbyer përvoja e duke krijuar ura bashkëpunimi mes tyre.
Trajnimi u zhvillua në kuadër të projektit “Mbështetje për WB6 CIF” 2024/454-229, mbështetur nga Komisioni Evropian, duke u konsideruar një hap i rëndësishëm në forcimin e kapaciteteve të bizneseve shqiptare për të konkurruar më fuqishëm në rajonin e Ballkanit Perëndimor.
